|
Minn dejjem kien
jinħass il-bżonn li jkun hemm rappreżentanza żagħżugħa fost l-għaqdiet
u l-Kumitati ġewwa din il-Parroċċa ta’ San Pawl il-Baħar, għalhekk
aħna il-K.Ż.F.Ġ (Kumitat Żgħażagħ Festa Ġawhrin) deħlin fir-raba’
sena mit-twaqqif tagħna u qegħdin inkomplu nimxu u naħdmu għal
għanijiet tagħna fil-Parroċċa.
Dan kollu qatt ma seta
jseħħ li kieku mhux għall-interess u l-fiduċja li wera fina
il-Kumitat Festa. L-għan tagħna huwa dak li nkomplu nimmaturaw bħala
żgħażagħ responsabbli, nagħtu kontribut lill-Parroċċa u l-Komunita’
u anki lill-istess Kumitat Festa, filwaqt li ma ninsewx l-għan
ewlieni tagħna il-Festa tal-Patruna tagħna lkoll Marija
Addolorata Sultana tal-Martri.
Aħna naħdmu bis-sħiħ
mal-Kumitat Festa biex nagħtu l-aqwa ġieħ lill-Patruna tagħna billi
nwettqu diversi proġetti. Nibda billi insemmi il-Liedna, li
sena wara sena, it-toroq tagħna qegħdin jiġu msebbħa biha. Proġett
ieħor huwa dak tal- Kuruni li nittamaw li għall-Festa li
ġejja jiżżanżnu għal-ewwel darba, biex ikomplu jagħtu dehra sabiħa
lil-Festa tagħna. Aħna ż-żgħażagħ minbarra li nagħtu id-daqqa ta’ id
lill-Kumitat Festa fl-armar ta’ barra, hemm diversi żgħażagħ li
jagħmlu xogħol importanti fl-armar li jsir ġewwa il-Knisja. Biss
xogħlna ma jieqafx hawn biss. Aħna nieħdu ħsieb biex kull xahar
noħolqu attivitajiet għalina iż-żgħażagħ bħal ħruġ, tournaments u
disco parties fost l-oħrajn.
Minn hawn nixtieq
nirringrazzja liż-Żgħażagħ kollha li jaħdmu bi sħiħ biex nagħmlu
Festa mill-isbaħ u naħdmu lkoll biex l-għaqda ta’ bejnietna tkompli
tisaħħaħ u tikber anki fin-numru. Fl-aħħar u mhux l-inqas GRAZZI
KBIRA tmur lil dawk kollha li jappoġjaw il-ħidma u l-attivitajiet
tagħna.
James Buhagiar
Segretarju
Karigi u Membri
tal-Kummissjoni
Żgħażagħ
Segretarju
James
Buhagiar
Kaxxier
Ruben
Camilleri
Assistent Kaxxier
Colin
Vella
Rappresentant fil-Kumitat Festa
Matthew
Gauci
P.R.O
Daniel
Gauci
Assistent P.R.O
Chris
Grima
Kummissjoni Attivitajiet
Roderick
Muscat - Alan Xuereb - James Buhagiar
- William Vella
Assistant Fratelli
Julian
Buhagiar
Kummissjoni Marċ
tal-Ħadd
Filghodu
William
Vella, Roderick Muscat, Alan Xuereb
Kummissjoni
Proġetti
Ġodda
Julian
Buhagiar, Matthew Gauci
|
